Tanety dorana, tsy miraharaha
Arehitra ny ala, tsy miraharaha
Ny hoavin'ny taranaka e, tsy miraharaha
May ny tanindrazana, tsy miraharaha
O 'ry Aba, O 'ry hendry e
Ny hamono antsika anie tsy mba basy velively
O 'ry Aba, O 'ry hendry e
Tsy mahatsiaro tena isika, mihamaty tsikelikely
Risoriso manjaka, tsy miraharaha
Izay osa voadaka, tsy miraharaha
Ny efa matanjaka e, tsy miraharaha
Sondriana mitrandraka, tsy miraharaha
O 'ry Aba, O 'ry hendry e
Ny safiran' Ilakaka tsy hita velively
O 'ry Aba, O 'ry hendry e
Saingy afa-drakotra izao ny tantely
O 'ry Aba, O 'ry hendry e
Ny harena an-kibon'ny tany
Tsy misy mitsitsy velively
O 'ry Aba, O 'ry hendry e
Ny taranantsika re mba amelao kely
Ny fiarahamonina, tsy miraharaha
Aleony mionona, tsy miraharaha
Lasa fomba mahazatra e ny tsy miraharaha
Isika Malagasy lasa tsy miraharaha
O 'ry Aba, O 'ry hendry e
Tena loza ity. Isika Malagasy anie ho very
O 'ry Aba, O 'ry hendry e
Vola indray izao o no solon'ny fanjakana manan-kery
O 'ry Aba, O 'ry hendry e
Tena loza ity. Isika Malagasy anie ho very
O 'ry Aba, O 'ry hendry e
Vola indray izao o no solon'ny Ray aman-dReny ton-teny
O 'ry Aba, O 'ry hendry e
Soa ihany fa mbola misy anareo e miraharaha
O 'ry Aba, O 'ry hendry e
Soa ihany fa mbola misy zanakareo e miraharaha
