Rigardu, kara
Al nia mondo
Al vivo via
Ĉio aliiĝis post kelkaj ondoj
De l' pandemio
Ĉie aperis pro l' kronviruso
La ŝanĝoj grandaj
Ĉiun personon la ŝanĝoj tuŝis
En ĉiu lando
Jes, certe bonaj estis apenaŭ
La lastaj jaroj
Normala vivo iam revenos
Post la koŝmaro
Kaj eble baldaŭ, ni renkontiĝos
Ne nur Fejsbuke
Ni kune kantos kaj estos feliĉaj
Dum niaj UKoj
Amikoj karaj
Jam malaperas la baroj
Kaj limoj, kaj barieroj
Kaj ni renkontiĝos somere
Ni sidis hejme pro la kontaĝo
Pro grava kaŭzo
Nek renkontiĝoj, nek vojaĝoj
Vivo en paŭzo
Ni nun vekiĝas el la dormado
El malsereno
Ni lacas pro la atendado
Pro l' kvaranteno
Zorgu pri vi kaj havu respekton
Al homo alia, al vivo alia
Kaj gardu ĉiam, kaj ĉiam protektu
Vian familion, vian familion
Amikoj karaj
Jam malaperas la baroj
Kaj limoj, kaj barieroj
Kaj ni renkontiĝos somere
Mi ege ŝatus ĉion forgesi
Kiel inkubon
Homa stulteco neniam ĉesos
Kaŭzi perturbojn
En nunaj tagoj, tagoj intensaj
Tempoj cinikaj
Pri vi sopiras, pri vi mi pensas
Pri vi sopiras, pri vi mi pensas
Pri vi sopiras, pri vi mi pensas
Karaj amikoj
Amikoj karaj
Jam malaperas la baroj
Kaj limoj, kaj barieroj
Kaj ni renkontiĝos somere
Amikoj karaj
Jam malaperas la baroj
Kaj limoj, kaj barieroj
Kaj ni renkontiĝos somere
