Hua Ise Moti Baras (From "Aag Ka Daryia")

ہوا سے موتی برس رہے ہیں ہوا سے موتی برس رہے ہیں فضا ترانے سنا رہی ہے جگر جگر ہے تمام صحرا کلی کلی جگمگا رہی ہے ہوا سے موتی برس رہے ہیں جہاں کی ہر شام ہو ایک دیوی جہاں کی ہر صبح ہو ایک رانی جہاں برستا ہے رنگ دھانی اُدھر مڑی ہے مِری جوانی ہر ایک ساغر کھنک رہا ہے ہر ایک شَے گنگنا رہی ہے ہوا سے موتی برس رہے ہیں مِرے مچلتے ہوئے لہو میں خوشی کا دریا ابل رہا ہے کلی مِرے دل کی کھل رہی ہے بتاؤ، پھولوں، یہ بات کیا ہے یہ کون میری طرف بڑھا ہے یہ کس کی آواز آ رہی ہے ہوا سے موتی برس رہے ہیں تمام جنگل مہک رہا ہے حیا سے پنڈا دہک رہا ہے دوپٹہ سر سے ڈھلک رہا ہے پیالہ جیسے چھلک رہا ہے یہ دل، ارے، کیوں بھڑک رہا ہے؟ یہ شرم کیوں مجھ کو آ رہی ہے؟ ہوا سے موتی برس رہے ہیں فضا ترانے سنا رہی ہے جگر جگر ہے تمام صحرا کلی کلی جگمگا رہی ہے ہوا سے موتی برس رہے ہیں