'T Is smerig kold, de wind is guur, 't joar zowat veurbij
Twintig groaden onder nul, d'r ligt een dik pak snei
Gediene bunt weer dichte, en de holtkachel geet an
Hakken, kleuven, stokkeren, doar he-j drie keer warmte van
De wintertied is machtig, zit vol met romantiek
Een dikke wollen dekken, of één op elektriek
'T Is ok fijn om ow te warmen met foezel en met wien
En löp 't uut de hand dan ku-j 't noa ne-gen moanden zien
Alle-luu-ja komt allen tezamen, geniet!
Alle-luu-ja zi-j proost en zi-j lacht,
Vuult zich riek... en d'r klinkt muziek!
Al wekken veur december, bunt d'r heel wat luu van slag
Wie is woar met Sint en Kerst, woarum en welke dag
Fonduepan en gourmetstel die komt de kast weer uut
Koopt wi-j een boom van plastic, of een Nordmannspar met kluut
Ut ende van december is een machtig mooie tied
Crossen, chillen, rearen en knappen met carbid
De keet draait oaveruren, moar wi-j bunt wel wat gewend
En een geheime zender die drea-jt Høken in de tent!
Alle-luu-ja komt allen tezamen, geniet!
Alle-luu-ja zi-j proost en zi-j lacht,
Vuult zich riek... en d'r klinkt muziek!
Alle-luu-ja komt allen tezamen, geniet!
Alle-luu-ja wi-j vullen de glazen 't is tied
Alle-luu-ja komt allen tezamen vier feest!
Alle-luu-ja wi-j goat tekeer as un beest
