حياة و موت

أبد والله يا زهراء ما ننسى حسيناه أبد والله يا زهراء ما ننسى حسيناه عشق يكبر ... لأبو الأكبر حياة وموت وياه البشر عدها العشق وي الوقت تلگاه عادة وانا حبي الحسيني يختلف لأنه عبادة عبر أسمه على سمعي وبديت اتهجه أسمه حسين وحاشى لا والله تشابه أسمه كلمة أذكر أمي گالتلي خدمتك هذي نعمة حسين الخير كل الخير هنياله اليخدمه الحمد لله الرزق جانه وعلى الفطرة خدمناه أبد والله يا زهراء ما ننسى حسيناه عشق يكبر ... لأبو الأكبر حياة وموت وياه غيري يكبر ابعمره او يتيه وي المشاعر وانا أحسب اسنيني ابتقاويم الشعائر الحمد لله كبر عمري وبعدني وي المنابر أذكر والدي گلي وبعدها تعيش بيه قدس كل حسينية لأن بيها الزچية لذلك بالطم أشعر واعيش وي الرزية الطم صدري للصدره انهشم بالأعوجية الصدر يخفي الحزن بيه ويسولف لو لطمناه أبد والله يا زهراء ما ننسى حسيناه عشق يكبر ... لأبو الأكبر حياة وموت وياه من زاد المجالس والطبخ والخدمة زادي لحم چتفي كبر بيها وخذت منه مرادي ما اخجل وأصرح اي نعم هذا أعتقادي من منبر أبو اليمة أرتفع عن الناس وعيي تعلمت المشاعر بالنعي من يهل دمعي وقفت اذني وگلت يحرم يخالط يوم سمعي غير حسين آه يحسين إذا ناعيها ينعي شعاري من الطفولة وللكهولة ما نسيناه أبد والله يا زهراء ما ننسى حسيناه عشق يكبر ... لأبو الأكبر حياة وموت وياه عصاتي لخدمتي يحسين بلا هالخدمة اعثر وشيب براسي ميهمني ودليلي بحبه أخضر كبر عمري نعم ، لاچن محبته بقلبي أكبر ورثت الخدمة من أهلي وورثها لبنيني ابويه بفضل هالخدمة رفع بيها جبيني وحنين أمي اعله أبو اليمة زرع بيه حنيني لذلك رايد أبني ايشيل لقب خادم حسيني عشت بالدنيا بإسم حسين وأريد أنحشر وياه أبد والله يا زهراء ما ننسى حسيناه عشق يكبر ... لأبو الأكبر حياة وموت وياه